لراوبر ویب پاڼه لراوبر يو افغان – تازه خبرونه
د افغانستان د ترانسپورټ وزارت چارواكي وايي چې په سالنګونو كې د پامير هوايي شركت د رالوېديدلې الوتكې د موندلو لپاره هلو ځلو تراوسه كومه نتيجه نه ده وركړې.
د ترانسپورټ وزارت وياند ننګيالي كلات وال ازادي راډيو ته ويلي چي، له ايساف او افغان ځواكونو سره يې بيړنۍ غونډه جوړه كړې، څو د لوېدلي الوتكي د موندلو لپاره يو غوره پلان جوړ كړي.
بلخوا د پروان ولایت چارواکي وایي چي، د سیمي پلټونکو ډلو نن د سالنګ په هغه سیمه کي د لټون پلي عملیات له سره پیل کړي چي، ګومان کیږي د پامیرهوایي شرکت مسافر وړونکې الوتکه به په کي رالوېدلې وي.
پرون د لویدلي الوتکي د ټوټو د پیدا کولو لپاره د لټون هوایي عملیات د هوا د خرابوالی له امله له خنډ سره مخامخ شوي وو.
دغه الوتکه چي له کندزڅخه کابل ته په لاره وه، په کي شپږ تنه عمله او ۳۸ مسافرسپاره وه.