لراوبر ویب پاڼه لراوبر يو افغان – تازه خبرونه
په کندوز کي د ګرځنده ټلېفونونو کمپنۍ وايي د دې ولايت طالبانو خبردارى ورکړئ چي د ماښام له شپږو د سهار تر پنځو بجو پوري خپل ټول خدمات ودروي. او که چيري يې بند نکړي انتونه به يې وويشتل سي.
د طالبانو وياند ذبيح الله مجاهد هم د دې خبرداري پخلى کړئ او وايي چي دغه ګام يې ځکه اخيستئ دئ چي افغان او بهرني ځواکونو د شپې له خوا طالبان پر همدغو ټلېفونونو باندي پيدا کوي.
د شپې له خوا د ګرځنده مبايلونو پر خدماتو بنديز د افغانستان په جنوب لوېديځو ولايتونو کي له تيرو دوو کالو راهيسي روان دئ، خو دا لومړى ځل دئ چي په يوه شمالي ولايت کي هم بنديز پر لګېږي.