کرکيټ: دوې برخليک ټاکونکي لوبي کېږي

د نړۍ والو سياليو په ترڅ کي د الف ګروپ څخه د اسټراليا او بنګلدېش او د سي ګروپ څخه د افغانستان او جنوبي افريقا ترمنځ لوبي کېږي.
د اسټراليا او بنګلدېش لوبه د افغانستان پر وخت د شپې پر نهه نيمي بجې شروع کېږي، د افغانستان هغې د شپې تر دوولسو بجو وروسته د سهار پر يوه نيمه بجه شروع کېږي.
اسټراليا خپله لومړۍ لوبه د پاکستان څخه په ٣٥ منډو ګټلې ده، خو بنګلدېش بيا د پاکستان څخه بايللې ده، که يې بنګلدېش وګټي اسټراليا او پاکستان دواړو ته به سر خوږى جوړ کړي.
د افغانستان او جنوبي افريقا لوبه ځکه مهمه ده چي هندوستان له دواړه هيوادونو څخه ګټلې ده او هره لوبډله په دې هڅه کي ده چي د مقابل لوري په ماته سوپر اېټ ته لاره پيدا کړي. خداى (ج) دي افغان لوبډله کاميابه کړي. آمين