غزل

ژوندون مې نیمه خوا شو غزل پاتې شو نیمګړی
خفه رانه اشـــــــنا شــــو غزل پاتې شو نیمګړی

ما یې په سپــین ټټرسپېځلـــــي غزل توري لیکل
بس یارمې ورخطا شــــو غزل پاتې شو نیمګړی

د یار نظــر به را ته ډیر ـ ډیر الهـامونه راوړل
نظــر يې په بلخوا شـــو غزل پاتې شو نیمګړی

زه وم په تمه چې به نن شپه کـــړو سندرې پوره
اوف بیا ګوره صبا شـــو غزل پاتې شو نیمګړی

یو مې کــــابل ځوروي او بل پېښــــــور ته خفه
یو غم ها بل غم دا شـو غـــزل پاتې شو نیمګړی

خوب مې لیدلی وو «ځدراڼه» ځواني مرګ وم پکې
همدا خوب مې رښتیا شو غزل پاتې شو نیمګړی

سوېډن ـ مالمو ۲۰۰۹/۱۱/۱۸