غزل

ځان مې کړه جانان مې کړه اشنا مې کـــــړه
ستا نه مرور یمه پخلا مې کـــــــــــــــــــړه

نه ګــــــــــــــــورې چې څومره ورخطا یمه
لږ خو مې ارام کړه دلاسا مې کـــــــــــــړه

نن مې پټ پټوني ته ډیر زړه شـــــــــــــوی
سترګې دې کړه پټې او پیدا مې کــــــــــــړه

نوره داسې پټه مینه نه کــــــــــــــــــــــــوم
سپک مې کړه په خلکو کې رسوا مې کړه

ګوښی مې �ځـــــدراڼه� ژوند بې رنګه دی
خپل مې کړه د ګډ ژوندون ښــکلا مې کړه