دسولې پيغام راوړئ

جرګوکې سره ټول شئ دمينې الهام راړئ
زمادوطن خلکو ته دسولې پيغام راوړئ
****
ديومړۍ روزي پسی تورغرونه پناه کيږي
غربته خداې دورک کړه ټولې ميندې موژړيږې
دا ډيرکلونه وشول چې ځوانان زمونږقتليږي
واړه ماشومان ژاړي چې پلارتری راونيږي
****
دسولې دجرګو نه دجنګواختتام راوړئ
زمادوطن خلکوته دسولې پيغام راوړئ
****
راټول په يوټغرشئ اې زمونږقومې مشرانو
دجنګ سنګرنه هم راشئ زړوروجنګيالايانو
غليم په ګونډ وشوې دی تاريخ په دې ګواه دی
جنګ بس ده اوښکې پاکی کړئ زمونږدييتمانو
****
جرګو دپښتنونه زمونږ دهيلوارام را وړئ
زمادوطن خلکوته دسولې پيغام راوړئ
****
دغرب په بيډنګونوکې ناکامه زندګي مې
زماوطن کې جنګ ده نارامه زندګي مې
ناڅاپ ،ناڅاپ ،مرګونونه دسرووينو رودونه
قدم په قدم مرګ ته ده ژړا نه زندګي مې
****
دجنګ خوني وختنوته دمينې امام راوړئ
زما دوطن خلکو ته دسولې پيغام راوړئ