لراوبر ویب پاڼه لراوبر يو افغان – تازه خبرونه
فرانس پریس آژانس د طالبانو د ویاند ذبیح الله مجاهد له قوله خبر ورکوی چی د کنړ د کورینګل درې څخه پرون د امریکایی پوځیانو وتنه د هغوی شکست او د طالبانو لوی بریالیتوب دی . امریکایان دغه دره د « مرګ دره » بولی ځکه ډیر تلفات یې پکښی زغملي دي . ذبیح الله مجاهد ورته وویل چی : « دا زموږ لپاره لوی برﺉ دی . دا سیمه زموږ لپاره خورا ډیره مهمه ده او غرونه یې زموږ د پټېدو بهترین ځایونه دي . هغه زموږ لپاره د ښه روزنی کار هم راکوی او په دې ټوله سیمه کی زموږ د عملیاتو سره ډیر کومک کوی . امریکایی پوځیان زموږ د پرله پسې حملو څخه وتښتېدل . »
پوځی ماهرین وایی چی دغی وتنی په رښتیا هم طالبانو ته یو روحیاتی او تاکتیکی برﺉ ورپه برخه کړ .