لراوبر ویب پاڼه لراوبر يو افغان – تازه خبرونه
پر اېران د اټومي پروګرام څخه د لاس د نه اخيستو په صورت کي پر دغه هيواد د نويو بنديزونو د لګولو غونډه پاى ته ورسېده.
په دې غونډه کي د ملګرو ملتونو د امنيت شورا پر پنځو دايمي غړيو، امريکا، برتانيې، چين، فرانسې او روسيې سربېره د جرمني هيواد هم ګډون کړئ وو.
په غونډه کي د چين استازي وويل د بنديزونو پر ځاى به لومړى د سفارتي اړيکو له لاري دا موضوع حل کړو، که نه کېده پر اېران به نور بنديزونو ولګېږي.
د روسيې استازي وويل د روان کال د اګست په مياشت کي روسيه له اېران سره د يوه قرارداد له مخي په بوشهر کي د اټومي انرژۍ د پراختيا يوه بټۍ پرانيزي چي دا کوم خطرناک پروګرام نه دئ.
بلي خوا ته د امريکا استازي وويل د دوى د راپورونو له مخي به اېران سږکال خپل يورانيم د اټومي وسلې دپاره اماده کړي او په راتلونکو درو، څلورو يا پنځو کلونو کي به دغه هيواد اټوم ترلاسه کړي، چي بايد ژر يې مخنيوى وسي.
د چين استازي د امريکا د استازي په جواب کي وويل چي په دې هکله به په راتلونکې غونډه کي بحث وسي، چي بالاخره دغه غونډه بې نتيجې پاى ته ورسېده.