لراوبر ویب پاڼه لراوبر يو افغان – تازه خبرونه
خوست والي ارسلا جمال تېره ورځ په يوه خبري غونډه کې ووې چې په نېږدې راتلونکې كې پدې ولايت کې داتلس ميليونه امريكايې ډالروپه لكښت دبيارغونې پروژې پيل شي .
نوموړي ووې : پدغه پروژو کې د ولايت مقام ودانې ، يو دوه سوه بستريز روغتون ديعقوبيو اوځاځيمدان ولسواليو ترمنځ غزيدلی سړک ، ديوې لويې ديني مدرسې وداني ،په خوست ښار کې دبرق نوي شبکه او نورې پروژې شاملې دي .
داپه داسې حال كې ده وړمه ورځ په افغانستان كې دامريکا دمتحده ايالاتو سفير خوست ته سفر کړی وو اوددغه ولايت دشيخ زاهدپوهنتون په ودانۍ كې دجوړې شوې خبري غونډې په ترڅ يې په خوست كې دبيارغونې دکارونود پيليدا ژمنې کړي وې .