غزل

که ته رانشې بيا نو لمر شي څنګه
دا توره شپه بير ته سحر شي څنګه

زما له سترګو نه چينه جوړه شي
لوند نو په اوښکو مې ټټر شي څنګه

څوک به زما د زړه پوښتنه وکړي
د زړه له حاله مې خبر شي څنګه

دا ستا نظر چې زما په سترګو نه وي
په تورو سترګو مې نظر شي څنګه

غمونه ډير شي د وصال په تمه
په وينو ډوب زخمي ځګر شي څنګه

يادونه څو ماته انځور جوړوي
هير به زما د زړګي سر شي څنګه

سپينه سپوږمۍ مې څو ختلې نه وي
روژه مې پاتې وي اختر شي څنګه

(زرغون) يوازې د هجران له غمه
دا ستا په مينه در بدر شي څنګه