لراوبر ویب پاڼه لراوبر يو افغان – تازه خبرونه
د بلوچستان ايالت په مرکز کوټه کي يوې چاودني دوه کسان مړه او تر ١٠ ډېر ټپيان کړل.
پېښه د ښار په زړه کي د جناح روډ پر امداد چوک باندي رامنځته سوې چي د پوليسو په وينا ماين پر يوه موټرسايکل باندي ځاى پر ځاى سوئ وو.
ځايي دکانداران وايي موټرسايکل د يوه هوټل مخته درول سوئ وو او قربانيان يې اکثره هغه رېړۍ والا دي چي دلته د مېوو د خرڅلاو دپاره راټول سوي وو.
د پوليسو په وينا په ټپيانو کي د پوليسو دوه کارکوونکي هم شامل دي چي اوس د نورو ټپيانو سره يو ځاى د کوټي په سېول روغتون کي بستر دي.
ډاکټرانو د دوو ټپيانو حالت اندېښنې وړ بللئ دئ.