درې امريکايي پوځيان ووژل سول

د امريکا د دفاع وزارت منلې چي نن د يکشنبې په ورځ يې په افغانستان کي درې عسکر په دوو جلا جلا پېښو کي وژل سوي دي.
د وژل سويو پوځيانو د ځاى په هکله معلومات نه دي ورکړل سوي خو وايي د ماين په دوو جلا جلا چاودنو کي د افغانستان په جنوب کي وژل سوي دي.
په داسي حال کي چي د امريکا يوه متقاعد جنرال په روان کي کال هره مياشت د ٥٠٠ امريکايي پوځيانو د مړيني پېش بيني کړې، که څه هم دې شمېر ته ډېر واټن پاته دئ، خو دا حقيقت په ډاګه کوي چي د تېر کال په تناسب د امريکايي پوځيانو سږني تلفات تر دوه چنده اوښتي هم زياتېږي.
د ٢٠٠٩ کال په جنوري کي ١٣ امريکايي عسکر وژل سوي وو، خو سږکال دا دئ په ٢٤ ورځو کي ٢٦ امريکايي پوځيانو ژوند له لاسه ورکړئ دئ.