امريکا او برتانيې خپل سفارتونه وتړل

د يمن په پلازمېنه صنعاء کي تر امريکا وروسته برتانيې هم خپل سفارت وتاړه.
د برتانيې صدراعظم ګورډن براون په يمن کي د خپل سفارت د تړلو علت په دغه هيواد کي د القاعدې شبکې د احتمالي بريدونو خطر وباله.
تر برتانيې دمخه د امريکا متحده ايالاتو هم په يمن کي خپل سفارت بند کړئ وو.
د برتانيې صدراعظم ګورډن براون وايي د القاعدې شبکې په افغانستان او پاکستان کي تر ماتي خوړلو وروسته يمن او سوماليا ته مخه کړ او غواړي په دغو هيوادونو کي جال وغوړوي.