لراوبر ویب پاڼه لراوبر يو افغان – تازه خبرونه
د پلار نیکونو ورک آواز لټوم
زه د غیرتی تاریخ آغاز لټوم
چې بیا مستي ورکړي هجرو ته زمونږ
د آدم خان د رباب ساز لټوم
ژوند او مرګ دواړه چې سلام شي ورته
زه د ژوندون هاغه یو راز لټوم
چې په جنګونو کې بی خوند راوستو
هاغه پیاوړی شان غماز لټوم
زه په الوتلو د کوترو څه کړم
زه خو د باز آزاد پرواز لټوم
چې به نازید تل د ٭آرین٭ په نامه
زه په افغان کې هاغه ناز لټوم
