لراوبر ویب پاڼه لراوبر يو افغان – تازه خبرونه
جرمني وايي افغانستان ته دوه زره نور پوځيان لېږي، د جرمني يوې ورځپاڼې دا خبر پرون خپور کړ او ويلي يې دي، جرمني دا اقدام د امريکا او ناټو تر غوښتنې وروسته کوي.
د ناټو او جرمني د دفاع وزيرانو ته نژدې سرچينو ويلي دي، ناټو او امريکا د دې اقدام ستاينه کړې ده.
ويل شوي چې دغه پرېکړه به په لندن کي د افغانستان په اړه تر جوړېدونکي کنفرانس وروسته وشي.
جرمني په افغانستان کې د ناټو درېيم ستر غړى هېواد دى چې، نژدې 4500 عسکر لري چې اکثره يې د افغانستان په شمال کې دېره دي.
جرمني ويلي دي چې خپل عسکر به د افغانستان نورو برخو ته ونه لېږي.
بله خوا د فرانسې د دفاع وزارت هم ويلي دي چې ښايي فرانسه هم افغانستان ته پنځلس سوه نور پوځيان ولېږي.