لراوبر ویب پاڼه لراوبر يو افغان – تازه خبرونه
تېره شپه امريکاغږراډيوسره دووتنوافغان شنونکوهريوعالم پايان اواستادحبيب الله رفيع په يوه ځانګړې مرکه کې وويل چې دجرمني دبرلين دديوال نړول دافغانانوله برکته دی. دوي زياته کړه چې شل کاله وړاندې په همدې ورځ جرمني ولس هغه يوسلوپنځوس کيلومتره ديوال چې دپخواني شوروي اتحادلخواجوړشوی وچې په ترتيب سره يې جرمني په ختيځ اولوېديځ المان وويشلی وله منځه يوړاووې نړاوه.
رفيع زياتوي چې هغه وخت چې روسانوپه افغانستان يرغل کړی و، دروسيې اقتصاد ورځ په ورځ اوان تردې چې له پښوووغورځېداوله بلې خواافغان مجاهدينوروسي ځواکونوته غاښ ماتونکی ځواب ورکړ، چې په پايله کې په ميليونونه افغانان شهيدان، بې کوره اوپه زرګونه روسي ځواکونه مړه اوټپيان او له افغانستانه ووتل.
پايان زياته کړه چې دروسې په همدې ماتې اواقتصادي زيان سره المانيانوله موقع استفاده وکړه اودروسيې له خواهغه يوسلوپنځوس کيلومتره ديوال يې له منځه يوړ.
ياده دې وي چې تېره ورځ په زرګونوالمانيانودهغه ديوال دنړېدوورځ ولمانځله چې په دغوکسانوکې دالمان لومړۍ وزيره انګېلامېرکل هم ګډون کړی و، انګېلامېرکل په هغوکسانوکې وه چې شل کاله وړاندې دنوموړي ديوال په نړولوکې ګډون کړی و.