لراوبر ویب پاڼه لراوبر يو افغان – تازه خبرونه
تر يوې اوونۍ بند وروسته نن د دوشنبې په ورځ د سونوښوونځيو تړلي دروازې بيرته پرانستل سولې .
د پاکستان د پوهني وزارت د ښوونځیو دپاره يوه اوونۍ رخصتي تر هغه وروسته اعلان کړل کله چي تېره اوونۍ د اسلام اباد پر اسلامي پوهنتون باندي ځانوژوونکي بريدونه ترسره سول .
د اوس دپاره يواځي په ګڼ نفوسه برخو پنجاب او سندهـ کښي تړل سوي ښوونځي بيرته پرانستل سوي دي خو د پښتونخوا او د ډيورنډ غاړي ته د څېرمو منطقو ښوونځۍ لا د ناامنيو په خاطر تر راتلونکي مياست نومبر پوري رخصت اعلان سوي دي .
پاکستاني پوځ نژدې يوه اوونۍ مخکي د ډيورنډ د پوري غاړي جنوبي وزيرستان په قبائيلي سيمو کښي د افراطي طالبانو په وړاندي پراخ پوځي عمليات پېل کړل چي نژدې ۳۰ زره پاکستاني سرتيري پکښي برخه لري .
په قبائيلي سيمو کښي د پاکستاني پوځ د روانو عملياتو له امله نژدې يو لک و څلوېښت زره ملکيان د خپلو کورونو پرېښودلو ته اړ سوي دي .