لراوبر ویب پاڼه لراوبر يو افغان – تازه خبرونه
دشنبې دورځې (داکتوبر ۳) په هغه رپوټ کښي چي دملگرو ملتو دسازمان لخوا خپور شو داستوگنې لپاره ناروې په نړۍ کښي تر ټولو ښه هيوادوپېژندل سو . د درويتر د خبر په حواله mixnews.lv ليکي چي پدې خپاره سوي لیست کښي دلاتويا هيوادپه ۴۸ ،استونې په ۴۰ ،ليتوانياپه ۴۶ ځاي کي قرار لري . دملگروملتو دسازمان اړونده ادارې لخوانوموړې څېړنه اوبرسي د۲۰۰۷ ز کال دهيوادونودکورنيو دتوليداتو دټوليزي کچې ياپه بله اصطلاح دسړي پر سردملي عايداتواوداوسېدونکودعمر داوږدوالي په نظرکي نيولو سره ترسره سوې ده . دهغومعلوماتو اوفکټونوله مخې چي دنړيوال اقتصادي بحران څخه وړاندي راټول سوی وه په نړۍ کښي تر ټولو هيوادونو په ناروي ، استراليااو اسلنډ کې داوسېدونکودژوند کچه لوړه ښودل سوې ده .همدا ډول په ټوله نړۍ کښي دژوند بدترين شرايط اوټيټه کچه د )) نايجر Niger ))په نوم هيواد او افغانستان اوسېدونکي لري . البته په ځېنو برخو کښي لاتويا لوړمقام تر لاسه کړی ، دبېلگې په توگه پدې څېړنه کې په گوته سوېده دلاتويا دهغواوسېدونکو چي عمر ئي تر ۱۵ کال اوچت دی (( ۹۹،۸)) په سلو کښي ئي لوستل اوليکل کولاي سي