د کندز د پیښې تحقیقاتي راپور او د یو شمیر قربانیانو نومونه

داسلامي امارت دټاکلي کمیسیون له لوري دکندزدپیښې دتحقیقاتو راپور او د یوشمیر قربانیانو نومونه
 
لکه څنګه چې مطبوعاتوهم راپورونه وکړل دتیرې جمعې په شپه دافغانستان شمالي ولایت کندز دیوې سترې انساني فاجعې شاهدوه دناټویرغلګر هوائي ځواک دولسي خلکوپه هغه ګڼه ګوڼه درانه زهري بمونه وغورځول چې دکندزدعلي ابادپه مربوطاتوکې یې دیرغلګرو له پاته شویو ټانکرونوڅخه تیل وړل .
په دې پیښه کې دکندزدعلی اباداوچاردرې ولسوالیو دڅوکلیوترسلوزیات ولسي وګړي په شهادت ورسیدل . سره له دې چې دسیمې خلکو اودپیښې محل ته ورغلي ځینې خبرنګاران وژل شوي ټول ملکیان بولی مګربیاهم دناټو په شمول دکابل درژیم ویاندویان اونورمقامات په پوره جسارت دعوه کوي چې په دې بریدکې یې لسګونه طالبان وژلي .
دافغانستان اسلامی امارت دواقعیت دلاښه سپیناوي لپاره دحادثې په سبایوتحقیقاتی ټیم مقررکړترڅو دپیښې دقربانیانوپه اړه په سیمه کې شته حقایق اوشواهدرایوځای اودیوه لنډ راپورپه شکل یې ترتیب کړي ترڅودمطبوعاتوله لارې دهیوادوالواونړیوالوقضاوت ته وړاندې کړای شي داراپورچې یوازې ددیني اوافغاني مسولیت داداکولو په روحیه ترتیب شوی هیڅ کومه سیاسی اوتبلیغاتی جنبه نلري لاندیني معلومات اودقربانیانولست یوازې دسیمیزوخلکو اودپیښې دمتاثرینوپه ورکړل شویو توضیحاتوبنادي نوځکه یې دکره توب تضمین کیدلای شي .
 
لومړی :پیښه څنګه رامنځته شوه :دتیرې پنجشنبې په ماښام دسپتمبردریمه دکندزدعلي ابادولسوالۍ په عام سرک مجاهدینودناټوپه هغو اکمالاتی ټانکرونوبریدوکړچې دمنځنۍ اسیالخواڅخه یې دکابل په لوري دنظامي وسایطو تیل وړل داډول حملې تردې پخواهم کیدلې خوداځل دناټوځواکونو دوه په تیلو بارټانکرونه دجګړې په میدان پریښودل سیمیزو مجاهدینوداټانکرونودچاردرې ولسوالۍ په خواروان کړل چې ماخستن مهال دعلي اباداوچاردرې ترمابین په سیندکې یوټانګر بندشو تردې چې مجاهدین مجبورشول چې همدلته یې خالي کړي دشاوخواکورونواوکلیوخلک چې اکثرا په روژه کې ترډیرو ویښ وي دموټروپه لیدوسیمې ته راځي اوله مجاهدینودبهیدونکوتیلو دوړلو غوښتنه کوي مجاهدین ورته لومړی اجازه ورکوي خووروسته چې ددښمن دکشفي طیارو پروازونه په سیمه پیلیږي مجاهدین خلک له تیلو منع کوي اوله سیمې دتللوورته وايي خوپه دې مهال دخلکوشمیرترسلګونورسیدلی اوهریوهڅه کوي چې تیل یوسي نوځکه یې مجاهدین هم په تیتولو کې پاته راځي دسیمې یومجاهدوایي چې دشپې ترناوخته مونږ په همدې جنجال اخته وه اوډیری خلک موله سیمې وایستل خوځینې نور دوهم ځل لپاره دټانکرونوپه خواورغلي ول تردې دچې دشپې دقیقا په یوه بجه اونهه څلویښت دقیقو ترهوايی بریدلاندې راغلل .
دوهم :شهیدان ټول ملکي خلک دي :بمبارهغه مهال وشو چې مجاهدین اویوه ډله ولسي خلک له سیمې نه وتلي وه خویوه لویه ډله خلک لاهم په سیمه کې وه دسیمې ګیرچاپيره دعلي اباددحاجي عبدالرحمن دکلي اودچاردرې دحاجي عیسی خان دکلي دحاجي ا مان دکلي دحاجي رستم دکلي دعیسي خیلو دیعقوب بای دکلي اوځینونوروکلیوخلک په یوه خوله وايي چې وژل شوي ټول ددوی زامن وروڼه اوعام ملکي کلیوال دي چې زیاتره یې غریبکاره ځوانان اودښونځیومتعلمین وه دوی دامریکایانو دکابل درژیم اودځینو غرضي خبري ادارو هغه راپورونه په کلکه ردکړل چې په دي بریدکې په ګڼ شمیرکې مسلح مجاهدین هم شهیدان شویدي دغه رازټپیان هم چې شمیریې لسګونوته رسیږي ټول کلیوال ولسي وګړي دي .
دریم :په بمبارکې سپین فاسفورس کاریدلي :دهغو آوازو برخلاف چې ډیری قربانیان دټانکرونودلګیدنې اوچاودنوله وجې وژل شوي اوسوزیدلي له پیښې پاته ژوندي کسان وايي چې شهیدان ټول دبمونولمبو اوبارودو سوزولي دي دپیښي یوعیني شاهدوویل چې دبمبارپه وخت یې له پورته خوانه راکوزیدونکی پراخ اور لیدلي چې دوه ځایه یې نژدې سل مربع متره ساحه وسوزوله نوموړي وویل چې بمونه په ټانکرونونه دې لګیدلی بلکې دهمدې اورپه لمبوکې ټانکرونوهم وسوزیدل ظاهرا دپیښې سیمه ټوله اورسوزولې اوپه ځمکه باندې دبم دلګیدو کوم داغ نشته دپیښې ټپیان وايی چې په بدن یې یوه داسې بدبویه ماده سریښ شوي چې ترهډوکي پورې یې ټوله غوښه ورسوزولې دغه رازدکلي یوسپین ږیري چې دوه زامنویې له ټپې کیدو وروسته ساه ورکړې وویل چې ترمرګ وړاندې په ټپي زامنوکې دلیونتوب اودحواسو دبایللونښي لیدلي دي داټولې کټ مټ هغه نښې دي چې څومیاشتې وړاندې دفراه دبالابلوک دپیښې په قربانیانوکې لیدل شوې وې چې وروسته له څیړنو یې ډاکټرانو لامل په بمونوکې دسپینو فاسفورسواستعمال په ګوته کړ.
داحقیقت په خپله له یوه بل ستراونه بښونکی جنایت څخه پرده پورته کوي چې دلته ترسره شوی سپین فاسفورس هغه زهري اووژونکی ماده ده چې دنړۍ ټول جنګي اصول او قوانین یې دنه استعمال لارښوونه کوي مګر صلیبی یرغلګر دادی په مکرره توګه داجنایت سرته رسوي چې دملګروملتونواودبشري حقوقودسازمانونوپه شمول ټولې نړۍ اومطبوعاتوپرې ځانونه کاڼه اوړانده اچولي داچې دکندزحکومتي چارواکوکابل ته دزخمیانودلیږد مخه نیوله دهمدې جنایت دپټولو یوه هڅه یې بللی شو.
څلورم :دقربانیانوکره شمیره لاهم نامعلومه ده :په دې فاجعه کې شهیدان شوي دبیلابیلواولرې پرتو کلیو اوکورنیو وګړي دي چې له ټولو دکره شمیرې راټولول نوروخت ته اړتیالري دغه رازاکثره جسدونه له مخې ایره شوي او ډیری نور له پیژندووتلي دي دځينوقربانیانومړي سیندوړي دي اوځینونوربیابیلابیلوروغتونونوته وړل شوي ځینې داسې کورنۍ لاهم شته چې تراوسه لا نه پوهیږي چې ورک خپلوان یې شهیدان شوي اوکه ټپيان دي دسیمې خلک اوعیني شاهدان اټکل کوي چې دشهیدانو شمیربه تریوسل اوشلو زیات وي خودقیقه شمیره لاهم په لاس کې نشته دلته په لاندې جدول کې دهغو کسانو نومونه اولنډشهرت درته وړاندې کوو چې شهادت یې یقیني دی اوخپلوکورنیو خاوروته سپارلي دي خوداشمیره وروستۍ نه شي بلل کیدای . 
 
   دکندزدپیښې دشهیدانونومونه اولنډشهرت 

وروستۍ خبره :
پورتني راپوراوشمیرنوپه ډاګه کړه چې بې له شکه دکندز په ولایت کې یوستر بشری جنایت اوانساني فاجعه ترسره شویده چې له مخې په کې ملکی افغانان په نښه شویدي نړیوال قوانین دملګروملتونومنشوراودژنیوکنوانسیون دداډول جنګي جنایاتواوټولوژنوپه اړه پوره صراحت لري که چیرې رښتیاهم ملګري ملتونه دعفوې اوبشري حقوقوادارې اسلامي کنفرانس اوپه اصطلاح دمتمدنې نړۍ نورې ټولنې دبشرحق اودانسانې وینې عظمت په رسمیت پيژني یاورته اهمیت قائل دي نوپه دې موضوع کې به یې رښتیااودروغ معلوم شي دهاګ نړیوال قاضیان چې په دارپورکې داحتمالي وژنوپه اړه دجلب اواحضارفرمانونه ورکوي که دکندزپه پيښه کې جنګي جنایت کاران ونه پوښتي یالږترلږه یې په اړه غبرګون ونه ښيي نوبیاورته ښایي چې دنړیوال عدالت دنغاروپه غږولو دشرم احساس وکړي .
زمونږله انده دکندزپیښه ددې لپاره کافي ده ترڅومعلومه کړي چي دبشري حقوقوددفاع په اړه نړیوالې دعوې حقیقت دې اوکه هسې تیرایستل …
په پای کې له ټولو هیوادوالو په تیره دکندزله ولس سره ددې پیښې اړونددتسلیت مراتب شریکوو اوسترکفري ښکیلاک دنارواووپه اړه ورته دااسماني پیغام دډاډلپاره کافي بولي ( وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ )صدق الله العظیم .
     
     په ګران هیوادکې دخپلواک اسلامي نظام په هیله
    دافغانستان اسلامي امارت دکندز دپیښي پلټونکی کمیسیون