لراوبر ویب پاڼه لراوبر يو افغان – تازه خبرونه
نن په جنوبي کوريا کښي د جنوبي کوریا د پخواني ولسمشر کیم دایئ-جنګ د جنازې په مراسمو کښي تقریبا شل زره کسانو ګډون وکړ .
هلته په جنوبي کوریا کښي د پارلمان و تعمیر ته نژدې په مراسمو کښي د جنوبي کوریا مشرانو او د امریکا متحده ايالاتو د بهرنیو چاریو پخوانی وزیر البرایټ هم تشریف درلود .
د جنوبي کوريا صدراعظم هان سیونګ-سوو له منځه تللئ ولسمشر د “د عصري تاريخ ستر مشر” په نامه سره وبلئ او دهغه بې ساري هلي ځلي يې وستایلې .
کيم دايئ-جنګ په سوله کښي په نړیواله کچه سره زیات شهرت درلود او هغه د ۲۰۰۲ زېږدیز کال د نوبل دسولي جایزې ګتونکی هم دئ.
کیم دایئ-جنګ د ۱۹۲۵ زېږدیز کال د ډسمبر د میاشتي په ۳ نېټه دې نړۍ ته سترګي لڅي کړي وې او د ۱۹۹۷ زېږدیز کال څخه تر ۲۰۰۲ زېږدیز کاله پوري د جنوبي کوريا ولسمشر وو .نوموړی د ۸۳ کلنۍ په عمر د ۲۰۰۹ زېږدیز کال د اګسټ د میاشتي په ۱۸ نېټه د جنوبي کوریا د سیول په ښار کښي د زړه د ناروغۍ له امله ددې دنیا څخه وکوچېد .
