لراوبر ویب پاڼه لراوبر يو افغان – تازه خبرونه
لکه څرنګه چی پتیل شوې وه ، د ناروې هیواد په پلازمینه اوسلو کې د ادبې ناستې غړیو یوه لویه کلتوري او ادبی غونډه ترسره کړه .
نوموړي غونډې دوې برخې درلودې ، لومړي برخه یی ژوندۍ مشاعره وه چې ددود سره سم د پاک څښتن په نامه د سهار به لسو بجو پیل شوه چې دافغان غږ راډیو له څپو په مخامخ ډول خپره شوه ، چې په ځایی ښاغلو شاعرانو برڅیره ، یوشمیر ښاغلیو د بیلابیلو هیوادونو د ټیلفون په لیکه خپل خواږه شعرونه د افغان غږ راډیو درنو اوریدونکو ته واورول .
دغوندې دویمه علمي برخه وه چې په کلتوري او ادبي مسایلو بحث ته ځانګړې شوې وه .
نوموړي غونډه چې د افغان غږ راډیو په تالار کې ترتیب شوې وه د ژوندۍ مشاعرې پسې پیل شوه چې په ترڅ کی یی د یو شمیر ښاغلو ، ادب پوهانو او علمي شخصیتونو لخوا دافغاني کلتور ، ښیګڼو ، ځانګړتیاو او نیمګړتیاو باندې تاوده او ژور بحثونه وشول .
دغونډې په پاې کې ټولو ښاغلو په یوه خوله پریکړه وکړه چې دغه ډول اړینې او ګټورې غونډې باید وخت په وخت جوړې شي .
غونډه په ځایی وخت د ماسپین په یوه بجه پای ته ورسید.
دیادولو وړده په پورتني غونډه کې دغو ښاغلو او آغلو برخه درلوده ، جنرال غلام رباني وطنیار ، ډاکټر جاوید ربانی صافی ، حکیم کرنزی ، اجمل اټک یوسفزی ، ډاکټره مسعوده وزیري ، احمد جاوید خان ، شکران الدین یوسفزی ، کامل علی زی ، ظهیر پکتین ، ډاکټر پاییز ، شفیع الله هوتک ، خدمتګار مزدورزوی ، شمشیر خان ، ډګروال اکبر پکتین ، استاد منصور حبیب خیل او یو شمیر نورو…
د دې راپور عکسونه وروسته پر ليکه کيږي
