لراوبر ویب پاڼه لراوبر يو افغان – تازه خبرونه
ايساف ځواكونه وايي، چې دكندهارښارپرفضا درول سوې كشفي دستګاه به تر هغه وخته پوري ولاړه وي چې ورته اړتياليدل كيږي .
دغه څاروونكې بالون له نږدې دوو اونيوراهيستې دكندهارښارپه فضاكې ليدل كيږي چې دزياتوښاريانوپوښتنې يې راولاړي كړي.
نړيوال ځواكونه وايې چې دغه كشفي دستګاه پر سړكونو د پوځي ګاډو د تګ راتګ، د چاودېدونكو توكو دكشف اودغه رازد نښتې پر مهال د څارنې لپاره په كار اچول كېږي.
دكندهارله هوايې ډګرڅخه نړيوالوځواكونوديوې اعلاميې په خپرولوسره ويلي چې د بالون په بڼه دا كشفي دستګاه د كورنيو او بهرنيو ځواكونو او ښاريانو امنيت خوندي كوي.
اعلاميه كې راغلي چې دا دستګاه به دولايتي شورااوولسمشريزو ټاكنو پر مهال هم د احتمالي امنيتي پېښو او شكمنو حركاتو په څارلو او كشفولو كې مرسته وكړي.
اعلاميه كې د دې دستګاه په اړه د خلكو اندېښنو ته په ځواب كې ويل سوي چې له دې كشفي دستګاه څخه هېڅ ډول ناوړه ګټه نه پورته كېږي او يوازې د امنيتي اړتيا له مخې درول سوې ده.
نړيوال ځواکونه وايې چې دا بالون ډوله كشفي دستګاه چې له ځمكې څخه كنټرولېږي، څلورويشت ساعته فعاله او د څار په حال كې وي.