لراوبر ویب پاڼه لراوبر يو افغان – تازه خبرونه
څه عجیبه ساعت تیری ده
بز کشی ده بزکشی ده
د حلال په دایره کی
په همدی حساس موقعه کی
پروت و زګوړی طلا یی ده
بز کشی ده بزکشی ده
د حلال د دایری نه
راټول شوی دی حلقی نه
ښی ا و چپ ډلو سیالی ده
بز کشی ده بزکشی ده
وحشی لوبه ده چالانه
کشمکش له هری خوانه
چه د خان په اس څوک ځغلی
د همغو کامیابی ده
بز کشی ده بزکشی ده
ای ددی لوبی حامیانو
تنو مندو بزکشانو
د وزی په جګیدو مو
کړه قبوله خود کشی ده
بز کشی ده بزکشی ده
بز کشی ځانله هنر دی
هر څوک کله تری خبر دی
اوریدلی به چا نوی
د چهل دزدو فکاهی ده
بز کشی ده بزکشی ده
خلک حیرانه او ابتر دی
د خپل ځانه بی خبر دی
که څوک لږ پکی دخیل شی
بیا نو سمدم بی ابی ده
بز کشی ده بزکشی ده
دا چه سیل یی بی پیسو دی
چانس د ځوان او د زړو دی
که جا هل پکی کامیاب شو
بیانو جوړه خرابی ده
بز کشی ده بزکشی ده
اوس خو خلک دی خوشاله
د بزکشو د کماله
چه سبا ته به څه کیږی
نا معلومه شان بازی ده
بز کشی ده بزکشی ده
دا یو نیم پکی مکاردی
خدای وهلی بی روزګاردی
وی چه ځان پکی شریک کړه
د وزلوبی سات تیری ده
بز کشی ده بزکشی ده
یوه ډله ده کاذبه
کور او کلی کی فاسده
که هغه چرته چانس راوړی
بیانو جوړه ګډوډی ده
بز کشی ده بزکشی ده
عجیبه چاپ اندازان دی
څوک قوی څوک ضعیفان دی
څوک جاسوس د بل د ټیم دی
وایی دا دیمو کراسی ده
بز کشی ده بزکشی ده
بزکشی زموږ کلتور دی
ګرزیدلی مو غرور دی
شی که خلا صه دا سیالی نن
سبا بیا همدا خواری ده
بز کشی ده بزکشی ده
خدای که ښه بزکش کامیاب کړی
چه سیل بین ټول پری حساب کړی
چه که ښه بزکش کامیاب شو
بیا د ټولو خوشالی ده
بز کشی ده بزکشی ده
دا وزه د هغه مال دی
چه مغرور په خپل کمال دی
لوی بادار ورته ساتلی
ښکلی کپ رنګ طلای ده
بز کشی ده بزکشی ده
