لراوبر ویب پاڼه لراوبر يو افغان – تازه خبرونه
د افغانستان په لوېديځ ولايت هرات کي د دوشنبې په ورځ پر يوه ځاى د ٣٥ ودونو مراسم ترسره سول.
دغه ودونه د اسلامي شرعي نکاح مطابق پر يوه ځاى د هرات ښار د ودونو په يوه سالون کي د ١٥٠٠ مېلمنو په ګډون ترسره سوي دي.
له ٣٥ زمومانو څخه ٢٥ کلن محمدجواد د ققنوس آژانس ته ويلي له يوه کال راهيسي يې کوزده کړې وه، خو د واده کولو وس يې نه درلودئ.
د ډله ايزو ودونو دود له تېرو دوو کالو راهيسي په افغانستان کي رواج سوئ دئ، چي په مزار او هرات کي يې مثالونه ليدل سوي دي.
دغه دود د ډېرو افغانانو او په ځانګړي ډول هغو ځوانانو له هرکلي سره مخ سوئ دئ، چي پر ولور سربېره د واده د مراسمو دپاره د بېځايه لګښتونو وس نه لري.
د هرات په ولايت کي تېر کال هم پر يوه ځاى د ٥٠ ځوانانو او پېغلانو ترمنځ ودونه سوي وو.