لراوبر ویب پاڼه لراوبر يو افغان – تازه خبرونه
د نړۍ مشهور امريکايي سندرغاړی مايکل جيکسن د زړه د دورې له امله له دې نړۍ سترګې پټې کړي.
جيکسن ۵۰ کاله عمر درلود او په نيزدې وختونو کې يې له څو کلنې چوپتيا وروسته په لندن کې کنسرټ ورکولو ته تياری کاوه.
په دې وروستيوو کې داسې اوازې وي چې مايکل جيکسن مسلمان شوی خو نه هغه پخپله او نه هم کومې خپلواکې سرچينې ددې خبر پخلی کړی وو. د جيکسن يو ورور ډير کلونه کيږي چې اسلام منلی.
مايکل جيکسن د خپل لومړي البم (تريلر) څخه وروسته ډير زيات شهرت وموند او د هغه ځانګړي نڅا په خلکو کې ډير شهرت پيدا کړ. جيکسن د لومړي سره له ستونزو سره لاس او ګريوان وو. هغه چې اصلاً تور پوستی وو، د مخ عمليات وکړ او پوستکی يې سپين کړ. لږ وروسته پر هغه د کوچنيانو سره د جنسي اړيکو تور پورې شو خونوموړي دا تورونه د عمر تر آخره پورې ردول. په دې وروستيوو کې يې د عربي اماراتو ديو شيخ سره مالي جنجال راپورته شو خو خبره بيرته غلي شوه.