لراوبر ویب پاڼه لراوبر يو افغان – تازه خبرونه
تیره ورځ دخوست ښار په منځ دسپین جومات مخې ته دیو ې چاودنې له مله زمونږ ۷ تنه مسلمان هیوادوال شهیدان اوتر ۳۱تنه زیات ژوبل کړای شول . انا لله وانا الیه راجعون.
مونږ په داسې حال کې چې ددې ویرجنې پیښې شهیدانوته دجنت الفردوس اوزخمیانوته یې له الله تعالی څخه دبشپړ صحت هیله لرو د دغې وحشیانه پیښې عاملینو ته دمنتقم خدای ج له درباره دعاجلې اومستحقې سزاورکولوسوالونه کوو.
که څه هم چې ددې جنایت کارانه پیښې په اړه مونږخپل غبرګون او جدي غندنه پرون ورځ په هماغه شیبه ټولونړیوالورسنیوته په ډاګه کړه ؛خو د داسې وحشي اوغیر انساني پیښوپه اړه داسلامي امارت د موقف دلاروښانولو په اړه لاندې څرګندونې توضیح کوم:
داچې نن صلیبي یرغلګراودهغوئ بي ننګه ملاتړي له مجاهدینوسره دمخامخ جګړې په ډګر کې پاتې راغلي اوله هغوئ سره یې په پوځي لحاظ دمخامخ کیدوتوان له لاسه ورکړی ؛ اوس غواړي د تبلیغاتي جګړې په کار ولواوداشانې وحشیانه اعمالوپه سرته رسولوسره دمجاهدینو دملاماتوونکوګذارونوله فشاره څخه دیوڅه وخت لپاره ځان خوندي وساتي.
زه بشپړباورلرم چې دخوست پرونۍ زړه دردوونکې پیښه دمجاهدینوپه خلاف ددښمن ددغې تبلیغاتي جګړې کړۍ ده.
ځکه دښمن په خپلوتبلیغاتي وسائلوکې دغې پیښې ته داسې بڼه ورکړه چې ګویادغه غیرانساني اوغیر اسلامي حادثه داسلامي امارت دکوم استشهادي مجاهددفدایی بریدپه ترڅ کې منځ ته راغلې.
ماتې خوړلی دښمن د دغې وحشیانه پیښې په څیر ښایي دنوروډیروداشاني پیښوپه سرته رسولوسره زمونږمسلمان ولس ته د داسې ذهنیت ورکولوکوښښ وکړي چې داسلامي امارت مجاهدین دبیګناولسي وګړودوژلو لپاره په عامه تجمعاتوکې اوټولنځایونوکې استشهادي عملیات ترسره کوي .
شرمیدلی دښمن دداشانې تبلیغاتوپه کارولوسره غواړي لاندې اهداف ترلاسه کړي:
لومړی: داسلامي امارت مجاهدین دبیګنا ولسي خلګوپه وژنه تورنول.
دوهم: دخلګوپه زړه کې داستشهادي سپیڅلیوعملیاتو بي ارزښته کول.
دریم : دافغانستان دمسلمان ولس اومجاهدینوترمنځ دکرکې اونفرت فضارامنځته کول .
خومكاردښمن بايد پوه شي چی دافغانستان باتجربه اوپه جهادمین ولس ددوی په ورستواوتیر ایستونکوچلونوښه پوه اوورته ځیر دی اودغه ناکامه تکتیک به یې هم دنوروهغوپه شان له ماتی اورسوایې سره مخامخ کړی
دخوست ددغې ویرجنې پیښې دعینې شاهدانو د سترګولیدليو حالاتو له مخې هغه دیوه مخکې ترمخکې عیارشوي بم دانفجار له امله رامنځته شوې خونړۍ پیښه وه؛ نه فدایي برید.
که چیرې بلفرض همدغه دانسانیت ضدعمل دفدایې برید دسپیڅلي نوم ترپوښښ لاندې ترسره شوی هم وي اسلامي امارت هغه دخپلومسلمانوهیوادوالودبیرحمانه شهیدانولوپه غرض دبی غیرته دښمن یوغیر انساني ،غیراخلاقي اوغیر اسلامي وحشیانه عمل بولي نه جهادي اواستشهادي سپیڅلی برید.
اسلامي امارت په خپلوټولو مکرروتوصیواوهدایاتوکې مجاهدینواواستشهادیانوته داجدي لارښوونه کړې چې باید ستاسودبریدونواواستشهادي عملیاتو لومړني مستهدفین(په نښه شوي)به یرغلګرصلیبیان وي.
له یرغلګروصلیبیانوڅخه ددفاع په حالت کې دهغوئ بي ننګه مدافعین به ستاسو دثانوي هدف په توګه ستاسودبریدونومورد وي اوبس.
اسلامي امارت په خپلې جهادي لایحې کې چې دمجاهدینودلارښودپه توګه یې په هغوئ ویشلې په ۴۱ مادې کې داستشهادي عملیاتودکیفیت اودهغودترسرکولواودولسي خلګودځانونودحفاظت په هکله مشخصې اوجدي سپارښتنې کړې .
۴۱- ماده : داستشهادي بریدونو په هکله باید لاندينۍ څلور خبرې په نظر کې ونیول شي.
لومړى: استشهادي مجاهد باید تر بریدمخکې په ښه ډول تربیه شي.
دوهم: استشهادي حمله دې په لوړو او اهمواهدافو ترسره شي او د اسلامي امت دغه اتل بچى بايد په ټیټو او بي ارزښته اهدافو کې ونه کارول شي.
دريم: په استشهادي بریدونوکې بايد دعامو خلکو د وژل کیدو او تلفاتو دمخنیوي زيات کوښښ و كړاى شي.
څلورم: ماسیوا له هغو مجاهدینو چی د مشرتابه له لوري خصوصي پروګرام او اجازه ورکړل شوې وي نور ټول مجاهدین مکلف دي چی په استشهادي بریدونو کې به دولایت له مسؤل څخه اجازه اوهدایت اخلی.
داسلامي امارت دمجاهدینو دجهاد هدف دخپل مسلمان ولس له ځان ،ناموس اوهیوادڅخه دفاع اودهغوئ حفاظت دی نه په خپل لاس دهغوئ بیرحمانه وژل.
والله علی مانقول وکیل.
ذبیح الله (مجاهد)
داسلامي امارت ویندوي
د۱۴۳۰ ه ق کال دجمادي
