لراوبر ویب پاڼه لراوبر يو افغان – تازه خبرونه
د هندوستان د تر ټولو غټي اسلامي مدرسې ديوبند اداره وايي په پاکستان او افغانستان کي جنګېدونکي طالبان دي له دوى سره نه تړل کېږي.
د ديوبند مدرسې مهتمم مولانا محمدسليم قاسمي له يوې برتانوۍ راډيو سره په مرکه کي وويل، د طالبانو په منځ کي جاهلان ډېر او عالمان کم دي.
مولانا قاسمي وويل د طالبانو له خوا د ښوونځيو سوځول، د زيارتونو نړول، د ښوونکو او زدکوونکو وژل ټول غير اسلامي کارونه دي چي دا د هغوى پر جاهليت دلالت کوي.
مولانا قاسمي د پاکستان د جمعيت العلماءالاسلام پر مشر مولانا فضل الرحمان د يوې نيوکي په ترڅ کي وويل، هغه لږ عالم او ډېر سياستوال دئ.