لراوبر ویب پاڼه لراوبر يو افغان – تازه خبرونه
په بلوچستان ايالت کي د سيوۍ ښارګوټي ته نيژدې د بولان مېل په يوه ريل ګاډۍ کي چاودني يو تن وژلئ او ٣٠ زخميان کړي دي.
د بلوڅ جمهوري غوښتونکو ګوند د دې چاودني مسئوليت پر غاړه اخيستئ دئ.
چارواکي وايي دغه ريل ګاډۍ د کراچي څخه کوټي ته روانه وه چي د سېوۍ ښارګوټي ته نيژدې د ګاډۍ په تشناب کي چاودنه وسوه او پورتنۍ مرګ ژوبله يې واړوله، چي په ټپيانو کي لس کوچنيان او درې ښځي هم شاملي دي.
د پوليسو په وينا ټپيان د کوټي روغتون ته انتقال سوي دي او تر چاودني وروسته ټولي ريل ګاډۍ په نيژدې سټېشنونو يا تمځايونو کي درېدلي دي.
د پاکستان صدراعظم د دې چاودني غندنه کړې او په دې اړه يې د تحقيقاتو امر کړى دئ.