لراوبر ویب پاڼه لراوبر يو افغان – تازه خبرونه
په پكتيا او خوست كي امنيتي ځواكونو ته مرګ ژوبله اوښتې ده
د شنبې په سهار د خوست په دومند ولسوالي كي د ملي پوځ يو سرتېرى مړ او يو بل يې ټپي سي.
د جنرال محمد اسرارپه نوم د خوست يوه پوځي چارواكي دغه پېښه تايېد كړه او وايي پورتنۍ مرګ ژوبله د ماين د يوې چاودني له كبله رامنځته سوې ده.
په يوه بله پېښه كي د پكتيا په ډنډ پټان ولسوالي كي د سرحدي لېوا پنځه پوليس ټپيان سوي دي، چي د والي وياند روح الله سمون يې علت د سړك د غاړي ماين چاودنه په ګوته كړه.
د طالبانو وياند ذبيح الله مجاهد د دې چاودنو مسئوليت پر غاړه اخيستئ او وايي د پكتيا په زرمت ولسوالي كي يې د امريكايي پوځيانو يو موټر له منځه وړئ او پكښي سپاره پوځيان يې ټول وژلي دي.