کونړ:وسله والو طالبانو د الجزيرې تلوزيزيون خبريالان تر وهلو ټکولو وروسته بېرته راپرېښودل

په افغانستان کې د الجزيرې تلويزيون د خبريالانو يوه ډله د کونړ ولایت په چپه دره کې وسله والو طالبانو وهلې ټکولې او پیسې او سامانونه يې هم ترې اخيستي دي. د کونړ د والي وياند ادريس غروال په و ينا دغه پينځه کسان وسله والو طالبانو دلسو ساعتونو لپاره له ځانه سره بنديان کړي وو چې تر وهلو ټکولو وروسته يې بېرته راخوشې کړل. طالب وياند ذبيح الله مجاهد ځينو رسنيو ته منلې چې  دالجزيرې خبريالان د د وی ملګرو وهلي ټکولي،خو وايي چې دا کار د ناخبرۍ له مخې شوی دی.