رابرټ ګېټس د ميدان وردک له چارواکو او خپلو سرتېرو سره وليدل

د امريکا دفاع وزير رابرټ ګېټس نن د جمعې ورځ ۸ می ۲۰۰۹ د ميدان وردګ ولايت له والي محمدحليم فدايي او په دې ولايت کي مېشت امريکايي پوځيانو سره ليده کاته وکړه .

په ليدنه کتنه کي د ميدان وردګ ولايت په غرونو کي د نوي امريکايي نظامي مرکز د جوړېدو په اړه خبري اتري وسوې ، امريکا غواړي په دې ولايت کي د  ايربورنه په نوم يو نظامي مرکز رامنځته کړي .