لراوبر ویب پاڼه لراوبر يو افغان – تازه خبرونه
د پنجوايي ولسوالي د كلك او سلوغې سيمې اوسېدونكي وايي تېره شپه يې امريكايي پوځيانو پر كلي چاپه ووهله، د ښځو او ماشومانو په ګډون يې ۱۴ بېګناه كسان ووژل او څو تنه نور يې پكې ټپيان كړل. د كلي اوسېدونكي وايي امريكايانو د څو كورونو دروازې په بمونو والوزولې او ګڼ شمېر كسان يې مړه او ټپيان كړل او څو نور يې د بنديانو په توګه بوتلل. د دې كلي يوه اوسېدونكي چې كليوال ټپيان يې د كندهار ميرويس روغتون ته د درملنې له پاره راوړي دي، وايي د كلك او سلوغې ټول اوسېدونكي نن د پنجوايي ولسوالۍ ته په شكايت ورغلي دي. له سيمه څخه تازه وركړل شوي خبرونه وايي امريكايي پوځيانو نن سهار په همدغه كلي چې د شپې يې عمليات پكې ترسره كړي وو، بمبارۍ هم وكړې.