لراوبر ویب پاڼه لراوبر يو افغان – تازه خبرونه
د حيرتان سوداګريز بندر د نفتي موادو مرستيال ګل خان احمدي د وري په ۲۲مه، ووژل شو، چې لا يې هم پوليس د قاتلينو په لټه كې دي.
احمدي د وري په ۲۱مه د شولګر ولسوالي له رحمت اباد كلي څخه تښتول شوى و چې په سبا يې د سيمې د سيند پر غاړه جسد وموندل شو.
نوموړى د اقتدار ملي ګوند يو له پياوړو غړو څخه و او د څه مودې لپاره د بلخ ولايت مرستيال هم پاتې شوى و.
چارواكي يې د قتل په اړه ځانګړې څرګندونې نه دي كړي خو د كور غړي يې وژنه سياسي بولي.
دا په داسې حال كې چې د بلخ ولايت چارواكي تل د په دغه ولايت كې د امنيت يادونه كوي خو د تېر كال راپه دې خوا نږدې ۳۰ مخور مشران د نامالومو وسلوالو لخو د مرګ كومي ته لوېدلي دي، چې ډېرى يې د چاربولك، چمتال، بلخ او شولګر ولسواليو اوسېدونكي وو.